ميلاد الرسول ﷺ وحادثه شق الصدر|متي ولد الرسول؟

متي ولد محمد ﷺ؟
ولد النبي محمد ﷺ في مكه المكرمه في يوم ١٢ من ربيع الأول في العام الذي سميَ بعام الفيل،والذي يوافق سنه ٥٧١م،وكان ﷺ ينتسب إلي بني هاشم. 

أحداث ولادته ﷺ
تقول آمنه(أم النبي) ما رأيت حمل اخف منه ولا أيسر منه، ورأيت حين حملت به نوراً يخرج مني تضئ بيه أعناق الأبل، ولم يقع كما يقع الصبيان. وقع معتدلا جالسا واضعا كفيه إلي الارض وواجهه إلي السماء.. وكان الصِّبيانُ يُصبِحون رُمْصًا شُعْثًا (شعرهم منعكش)، ويُصبِح محمدٌ دَهِينًا كَحِيلًا.

أول واحده كان لها الشرف في ضم النبي ﷺ هي أم أيمن وأسمها الحقيقي "بركه الحبشيه"مربيه الرسول ﷺ فكانت أكثر ارتباطٱ بالرسول ﷺ وهي كانت خادمه عند عبدالله أبو النبيﷺ وبعد وفاة عبدالله فضلت بركه تخدم آمنه.

جه جده عبدالمطلب وشاف أجمل مخلوق بين يديه فأخذه وذهب إلي الكعبه وأخذ يطوف به حول الكعبه ودخل في جوف الكعبه ورفعه إلي السماء وحمد الله عليه ويخرج به من جوف الكعبه ويطوف بيه مره كمان ويبص للسماء ويقول يارب أسميته" محمد" وكان هذاالأسم في ذلك الوقت جديد والعرب مش متعودين عليه..فيرجع لآمنه فيقول لها سميته محمد..فتقول له لماذا محمد؟ قال:-ليحمده أهل الأرض وليحمده أهل السماء.

ويفضل المولود مع أمه آمنه لكن هتحصل مشاكل،إن مكه في ذلك الوقت كانت مليانه بالوباء وآمنه مش قادره ترضعه.فأخذت قريش إن أي طفل يتولد في الكام سنه بتوع الوباء،بتيجي قبيله لمكه أسمها قبيله بني سعد فيها مرضعات بالآجر. كل مرضعه بتأخذ طفل خرج مكه وتأخذه عليه أجر وترضعه لمده سنتين ولما تفطمه وترجعه لأهله بتأخد بقي الأجر.

وبعد أيام من ميلاد الرسول جت قبيله بني سعد وكانت من بينهم "حليمه السعديه"(سميت بالسعديه نسبه لبني سعد)، وصلت المرضعات إلي مكه لأخذ الأطفال،فكانت المرضعات الشاطره هي اللي تلحق تاخد أولاد الناس الأغنياء.

وأخر واحده وصلت كانت"حليمه السعديه" لأنها كانت فقيره وتركب علي أنثي حمار ضعيف وبطئ جداً فوصلت متأخر لمكه.. حليمه بتحكي وتقول بمجرد إن وصلت إلي مكهوجدت أن كل المرضعات أخذت كل الأطفال. وما تبقي غير طفل واحد! وهو محمد ﷺ  وأن محمد ﷺ اتعرض علي كل المرضعات ومفيش ولا واحده رضيت تاخده. ياتراي ليه؟؟.
لأن محمد ﷺ كان يتيمٱ

كل مرضعه قالت هعمل أي بولد يتيم..مش هينفعني..لأن اللي بيكرم المرضعه أبو الرضيع، بيديني فلوس أكتر علشان أحفظ أبنه وأهتم به أكتر.فرضت كل المرضعات أن تأخذ محمد ﷺ.

وحليمه لاقت أن متبقاش غير محمد ﷺفقالت هعمل إيه بيتيم عبد المطلب، فرجعت لزوجها وقالت له : دلوقتى كل وحده من صحابى خدت رضيع و أنا مش حابه أرجع بينهم من غير رضيع..
أعمل إيه؟ آخد يتيم عبد المطلب؟
فجوزها قالها: خديه لعل ربنا يجعل فيه بركه..

وفعلا حليمه خدت النبى عليه الصلاه والسلام..وبتقول أنى بمجرد إنى ضميت محمدﷺ لصدرى أتملى صدرى باللبن.. معرفش إزاى .. و مكنش أصلا عندى نقطه لبن بسبب الفقر و قله الأكل.. وفضل محمد ﷺ يرضع و يرضع .. كان جعان أوى .. و أنا مش عارفه منين كل اللبن ده..

وبعد كده حليمه قالت لزوجها: جرب شوف فى لبن فى الشاه بتاعتنا وللا لأ.. فقال لها : يا حليمه انتى عارفه انها مفيهاش لبن.. قالتله : جرب ممكن تلاقى ولو حبه نقط..
فلما راح لاقى فى لبن فى الناقه وفضل يحلب الناقه لحد ما اتملا كل الطبق بلبن كتير اوى .. و راح لحليمه مش مصدق نفسه ..إيه ده! ..إزاى ده بيحصل يا حليمه؟ قالت له مش عارفه .. لعل ربنا أدانا نسمه مباركه ..رضيع عبد المطلب ده مش عادى..وبتقول حليمه : شربت لبن وشرب زوجى وشبع محمدﷺوأبنى كمان، ونمنا مرتاحين اوى.ووالله ما كنا بنقدر ننام قبل كده من الجوع ومن عياط ابنى بسبب شده الجوع.


حليمه مرضعه النبىﷺبتقول قضينا يوم فى مكه وصحينا الصبح عشان نرجع لبنى سعد بالأطفال الرضع.
فركبت على الحمار بتاعى..فلاقيت الحمار بيجرى بيجرى وبيسابق نوق اصحابى ..فقالولى : حليمه ايه ده .. مش ده نفس الحمار اللى جيتى بيه لمكه؟ فقالت ايوه.. قالولها : مش ممكن .. ده كان بطئ جدا ومش قادر يمشى ..حتى وصلتى بعدينا..وكنتى آخر واحده!!
قالت: لأ ..دى هيه لكنى احمل عليها رضيع مبارك ..

والحمد لله وصلوا لبنى سعد وتقول حليمه كنت بحب محمد ﷺأوي .. وكان بيكبر فى اليوم الواحد قد اللى بيكبره اى طفل فى شهر ويكبر فى الشهر قد اللى اى طفل بيكبره فى سنه.. فكان بيكبر بسرعه أوى.

وحليمه لاحظت ده رغم أن اصلا العرب كانوا بيكبروا بسرعه فى الباديه ..ومعروف أن جو الصحرا بيساعد على ده لكن النبى عليه الصلاه والسلام كان برده دايما مختلف عن الأطفال التانيين..و بتقول حليمه كنت انا وزوجى بنحب محمدﷺأكتر من أبننا.


 و مرت الأيام وخلصت السنتين ولازم حليمه تفطم محمدﷺ
وترجعه لأمه ..لكنها كانت بتحبه اوى وعيزاه يفضل عندها 
تفتكر حليمه هتسيب محمد ﷺ يرجعه لأمه بسهوله كدا؟؟

فضلت حليمه تقنع آمنه لحد ما وافقت و أقتنعت أن مكة لسه فيها وباء وفعلا وافقت انها تسيب محمد لحليمه ..
وبتقول حليمه: فرحت أوي وحضنته ورجعت بيه لبنى سعد ومكنش حد فرحان فى الدنيا قدى أنا و زوجى ..

ومرت أيام او شهور و راح محمد عليه الصلاه والسلام لحليمه يستاذن فى الخروج للعب؟ فوافقت وخرج يلعب ومعاه اخوه من الرضاعه .
و محمد ﷺ بيلعب مع أخوه ..صرخ أخوه جامد أوى وجرى وراح لأمه حليمه وقال :يا أمى ألحقى محمد :
وبسرعة جرى على أمه وقال لها : محمد أتقتل.. طب ليه ..ايه اللى حصل؟

"حادثه شق الصدر"
اصل محمد ﷺ لما خرج مع أخوه من الرضاعه عشان يلعبوا فجاءة جاء جبريل (عليه السلام )

وفتح صدره و طلع قلبه وغسله فى طبق كبير من ذهب بماء ثلج و برد.. وبعدين طلع حاجتين صغيرين من قلبه لونهم أسود و رماها وقال :
هذا حظ الشيطان منك .. وبعدين رجع قلبه مكانه...وقفل الصدر .

على فكره النبىﷺ لحد ما مات فضلت الخياطه معلمه فى جسمه الشريف .. وكأنها عمليه قلب مفتوح عملتها الملايكه.

طب ليه حصلت حادثه شق الصدر؟..
الله عز وجل قال: إنَّا سَنُلْقِي عَلَيْكَ قَوْلًا ثَقِيلًا.والنبىﷺ بشر.وأى قلب بشرى طبيعى مش ممكن يقدر يتحمل القرآن ..كلام الله..ينزل عليه ..قال تعالى :
لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ

عشان كده كان لازم القلب ده يتعالج معالجه إلهيه عشان يقدر يتحمل الوحى اللى هينزل عليه بعد 38 سنه ..فكان لازم عنايه إلهيه ..
طب النبى ﷺازاى مامتش ؟ لأن دى كانت معجزه والله على كل شئ قدير.

كل ده حصل وكان مين واقف عمال يتفرج ؟ اخوه .. فأول ما مشيوا صرخ جامد وقال يا أمى إلحقى .. قتل أخى.. قتل أخى القرشى..
بتقول حليمه فبسرعه جريت ورايا زوجى.. فلما وصلنا لاقناه صلى الله عليه و سلم واقف و وشه أصفر اوى ..
وبدأ يحكيلها اللى حصل.. فجوزها راح قايلها : يا حليمه خديه و رجعيه لأهله قبل ما يحصله حاجه وحشه اكبر من كده .

بتقول حليمه شيلته ورجعت للزعل والحزن تانى .. و خدته وفضلت أعيط لحد ما وصلنا لمكه .. بحبه.. ومش عايزه أسيبه..

وفعلا خدت آمنه النبىﷺمن حليمه .. وبتقول حليمه رجعت لبنى سعد وفضلت أعيط و أقول يارب أجمعنى بيه يوم من الأيام يارب.. اصلها كانت بتحب محمد ﷺ أوى
دلوقتى الرسول ﷺ رجع بيته معاه أمه آمنه والداده بتاعته أم أيمن.. وكبر النبى ﷺلحد ما بقه عند ٦سنين.